Gin paidaeom sa guidance and counselling ru sangka menor de edad nga suspek sa motor napping sa Legaspi St.,Pob. Lezo, Aklan.
Sa report, ru suspek hay sangka 12 anyos nga eaeaki ag residente it Brgy. Santa Cruz Bigaa-Lezo, Aklan.
Naibalik eon sa tag-ana nga si Joseph Rapiz ru naduea nga motorsiklo matapos imbistigahan it mga pulis ag ma impound sa impounding area it Kalibo MPS.
Kun matandaan, nadakpan sa checkpoint ru suspek matapos paponduhon it Kalibo Auxiliary Police dahil sa mga pag-eabag sa Batas Trapiko.
Nahimo pang tagu-on it suspek ru plate number sa ubox agud indi ma monitor ru nadueang motorsiklo apang uwa naka-alpas sa checkpoint.
Ru nasambit nga motrosiklo hay gin hueam eamang ni Ervin Dalmacio sa bayaw nga si Joseph Rapiz para makataan-aw it Bayangan Festival sa nasambit nga banwa.
Nasayuran nga ru suspek hay may dati eon nga record sa Lezo MPS.//MARIVIC Y. ILIN