ABLI ang usa ka kooperatiba nga ipatuman ang ‘No Vaccine, No Ride’ policy nga gi-anunsyo sa labaw sa LTFRB Region-12 gumikan sa subling pag- usbaw sa mga kaso sa COVID-19 sa rehiyon.
Sa paghinabi sa 89.5 Brigada News FM Gensan kay Metro Gensan Transport Cooperative kon MGTC Manager Orly Sabelita sumala niini nga wala pa silay nadawat nga official nga communication gikan sa LTFRB kabahin sa plano nga kon walay bakuna dili makasakay sa modern vehicles.
Gidugang ni Sabelita nga kanunay sila nagapahimangno sa ilang mga drivers ug mga empleyado nga magpabakuna, gani sa 250 ka personahe 80 porsyento na ang nakapa-booster sa bakuna.
Samtang ilaha ginapangayoan og certificate ang wala pa nakabakuna gumikan sa mga medical nga mga rason.
Samtang ilaha na nga ginalauman ang pagpatuman sa mao nga polisiya gumikan sa pagtaas sa kaso sa COVID-19,samtang sa karon padayon ang ilang pagpatuman sa ‘No Facemask, No Ride’ sa mga pasahero.
Ang kabalaka lang nila kon mobalik sa 50 percent na lang ang itugot nga makasakay kay mohinay na usab ang ilang kita matag adlaw sa pagpamasada, mao nga ilang sundon ang health protocol aron walay problema. I Ver Diazon