Mga basura nga nakolekta sa pila ka adlaw nga selebrasyon sang Sinadya Festival 2023, nagdangat sa 6 tubtob 10 trucks

Nagdangat sa anom tubtob pulo ka trucks ang nakolekta nga basura adlaw-adlaw sang mga garbage collector sa syudad sang Roxas sa pila ka adlaw nga selebrasyon sang Sinadya Festival 2023.

Ini ang ginpahayag ni Mr. Ronald Amigo, pinuno sang CENRO/CORE unit sang ma-interview sang Brigada News FM Roxas City.

Suno kay Amigo, antes paman ang selebrasyon sang nasambit nga pyesta, nagdihon na ang City Environment & Natural Resources Office (CENRO) sang systematic nga garbage collection, cleaning and swiping sa pila ka venue sang mga aktibidad nga ginpatigayon.

 

Nahibaluan nga ang mga swipers kag garbage collectors ang 24/7 nga nagapanglimpyo kag nagapangolekta sang basura sa sentro sang syudad kun sa diin shifting ang ila duty agud lang nga mapabilin nga matinlo ang lugar.

Dugang pa ni Amigo, ginpanugyanan man nila ang mga vendors nga magpahamtang sang basurahan malapit sa ila baligyaan agud indi maglapta ang basura.

Ginsiguro ni Amigo nga na-segregate sang mayad ang mga basura antes dal-on sa Sanitary landfill.

Apang, ginpahayag man sini nga sa pihak sang peacefull nga selebrasyon sang Sinadya Festival, madamo naman ang mga nagkaladakpan nga indibidwal nga naglapas sa mga ordinansa nga ginapatuman kasubong nalang sang “No helmet, No Driving Ordinance” kag “Anti-Smoking kag Vaping Ordinance”. | Judy Ann Juare