Apektado ru mga fish vendors sa Kalibo Public Market it mga naga baligya sa talipapa nga makit-an sa kilid it mga karsadahon sa national highway.
Suno kay Mr. Abel Policarpio, Market Administrator Kalibo Public Market sa interview it BRIGADA News FM Kalibo, mabahoe nga ka kompetensya ru mga talipapa it mga fish vendors sa tindahan.
Aminado man si Policarpio nga nag-umpisa ru pag tunga it mga talipapa katong pandemya matapos nga gin control ru mga manugbakae sa tindahan.
Sa public market man ru mga raya naga pakyaw it mga isda nga gina baligya it mga taga-talipapa agud maka kita halin sa negosyo.
Naga salig si Policarpio sa bag-ong administrasyon it LGU-Kalibo, nga lingkuran ag paga taw-an it oras sa pag presenter it mga issues and concerns sa tindahan.
Kinahangean sigun nga lipyuhon ru mga side walk vendors ag paga taw-an it alternatives, designated areas nga may power supply, elektrisidad bilang mga requirements sa pag patindog it talipapa.//MARIVIC Y. ILIN