GIHAWANAN sa otoridad ang mga kadalanan sa sulod ug gawas sa Central Public Market sa General Santos City Oktubre 2 sa kasamtangan nga tuig
Sa dalang Cagampang makita ang presensya sa kapulisan, City Clearing Team ug Traffic Enforcement Unit
Samtang sa dalang Casquejo naa usab ang Market Implementors kuyog ang Market Supervisor ug taga Bureau of Fire Protection ang target hawanan ang kadalanan
Gisibog sa mga vendors sa Casquejo ngadto sa pinakadaplin sa kalsada ang ilang mga lamesa,sumala sa usa ka vendor nga si Besing ug sa chairman sa Purok 6, Barangay South dili sila mosupak sa pagpasibog kanila.
Sumala sa labaw sa Traffic Enforcement Unit kon TEU nga si Police Major Oliver Pauya nga maagihan na sa mga sakyanan ang dalan.
Gipangbaklas usab sa mga market implementors ang mga sagabal sa agianan sa phase A ug B Public Market.
Kahibaluan nga ang mga vendors gihatagan og oras sa pagtinda, sugod alas 4 sa kaadlawon hangtud alas 7sa buntag unya alas 4 sa hapon hangtud alas 7 sa gabii matag adlaw. I Ver Diazon