CEBU – Niabot sa 25 mil ang nisalmot sa paglusad sa bag-ong kampanya kontra ilegal nga drugas nga ‘Buhay Ingatan Droga’y Ayawan’ (BIDA) Bayanihan ng Mamayan nga gipasiugdahan sa Department of Interior and Local Government pinangulohan Secretary Benhur Abalos Jr. sa Hoops Dome dakbayan sa Lapulapu.
Nangulo sa maong kalihukan sila si Lapu-lapu City Mayor Junard “Ahong” Chan, Lone District Representative Cindi King-Chan, Mandaue City Mayor Jonas Cortes ug Cebu Governor Gwendolyn Garcia.
Ang DILG Secretary nihatag usab ug Certificates sa Cebu Provincial Government, Lapu-lapu, Mandaue ug Cebu City tungod sa ilang exemplary efforts sa pagbatok sa illegal nga drugas.
Gi-ila usab sa DILG ang mga naglihok nga Anti-Drug Abuse Councils sa pipila ka mga kalungsuran ug dakbayan sa rehiyon-7 sa ilang outstanding performance atol sa calendar year 2022.
Kini gilangkuban sa San Juan, Siquijor, Poro ug San Francisco, Camotes Island, Cebu; Talisay City, Cebu; City of Naga, Cebu; Bogo City, Cebu; Danao City, Cebu; ug mga lungsod sa Alegria, Barili, Borbon, Daanbantayan, Madridejos, Pinamungajan, Samboan, San Remigio, Sogod, Tuburan, ug Tudela, Camotes Island.//