NAKURATAN ang mga miyembro sa KaBrigadahan GenSan sa Purok Balunto, Brgy. Labangal nga pukawon sila unya adunay ihatag nga ayuda ngadto kanila gikan sa ilang kapwa miyembro.
Mayo 20 sa buntag unang gi-adtuan sa mga volunteers sa KaBrigadahan GenSan ang Purok Balunto, Labangal, gihatod ang mga pinutos nga grocery items ug bugas alang sa mga miyembro nga adunay card.
Usa kanila si Pastora Meriam Tara, nakahilak kini sa dili masabot nga pagbati o kalipay human nakita ang KaBrigadahan GenSan volunteers nga adunay dalang mga grocery items ug bugas unya gipatawag sila sa ilang coordinator ug usa-usa nga gihatagan.
Sumala kay Tara murag dili niya ma-express ang iyang gibati nga aduna diay hinabang alang kanila, naka-ingon daw kini sa iyang sakop sa simbahan nga lisod ang ilang kahimtang apan kinahanglan ilang dawaton ug magpadayon sila sa panginabuhi.
Ang panghinaut ni Tara nga magpadayon ang programa sa KaBrigadahan GenSan ilaha nalang i-ampo ang nagpasiugda niini nga si Idol Brigada Elmer Catulpos kay wala daw silay ikabalos.
Live usab sa Banat Brigada nga nagpasalamat si ka Brigada Medelyn Benemile sa grocery items ug bugas nga iyang nadawat ug gikuyawan daw kini gumikan unang higayon nga naka-estorya og live sa 89.5 Brigada News FM GenSan.
Kahibaluan nga usa sa naigo sa tubig baha ang Purok Balunto, Labangal ug makita nga naperwisyo ang katawhan sa lugar, puno sa lapok ang sulod ug gawas sa ilang panimalay, barado ang ilang pansayan ug na-busy pa sila sa pagpanghinlo,magpasalamat lang kon may moabot nga ayuda.
Kahibaluan nga mokabat sa katibuk-ang 175 ka Brigadahan Gensan card holders ang nahatagan og ayuda luwas sa Purok Balunto anaa pa sa Kulasi, EMB Homes ug Olarte Area sa Brgy. Labangal. (Ever Diazon)