Gin relieved ru 5 ka mga pulis nga nag panakit sigun sa bag-ong pulis nga na assign sa 2nd Aklan Provincial Mobile Company (APMC) sa Buruanga, Aklan.
Pumaguwa eon it relieved order si Aklan Provincial Police Office (APPO) provincial director PCol. Ramir Perlas sa 5 ka mga pulis nga gin reklamo it pag kastigo sa biktimang pulis nga si Patrolman Rommel Magsusi nga na assign man sa nasambit nga Mobile Group sa lugar.
Nakilaea ru mga pulis nga gin relieved nga sanday Patrolman Ritchel Tolentino, Police Corporal Richie Lustica, Patrolman Christian Solanoy, Police Corporal Roque Lurca and Patrolman Ruel Cuales.
Nasayuran nga naka abot eon sa National Police Commission (NAPOLCOM) ru nasambit nga reklamo kontra sa mga pulis ag naga padayon ru tul-id nga imbisitgasyon.
Suno sa NAPOLCOM, kun mapamatud-an ru reklamo it biktima hay mabahoe ru posibilidad nga maga pangatubang it kasong administratibo agpag-eabag sa Anti Hazing law o Republic Act No. 8049.//MARIVIC Y. ILIN