Dinampot ng mga awtoridad sa pangunguna ng Municipal Social Welfare and Development Office (MSWDO) ang mga badjao na namamalimos sa mga lansangan ng Roxas, Palawan.
Ayon kay Jaspher Bacuel ng MSWDO, umaga nitong Miyerkoles ay inikot ng mga tauahan ang Roxas upang sitahin ang mga namamalimos.
Kaugnay ito sa mga reklamo mula sa mga karenderya, na ipinaabot sa MSWDO ng mga may-ari.
Dagdag pa ni Bacuel, ito ay pagpapatupad na rin ng PD No. 1563 o ang Anti-Mendicancy Law.
Samantala, hindi umano nagkulang ang tanggapan na magbigay ng ayuda sa mga badjao, katunayan umano sila pa ang inuuna sa mga programa.