Giagda ni San Carlos City Mayor Rene Gustilo ang mga residente sa dakbayan San Carlos nga dili mahadlok magpabakuna.
Kini homan naabot sa iyang buhatan nga daghan ang nagpalista apan wala na mitongha sa adlaw diin gikatakda silang bakunahan.
Tungod niini gimandoan niya ang mga kapitan sa barangay nga dasigon ang ilang mga konstitwente nga magpabakuna ilabi na sa mga senior citizen nga maoy daling takbuyan sa virus.
Gani nagpabakuna mismo si Mayor Rene uban ang iyang asawa , ug matod pa wala sila may nasinating side effect homan sa vaccination.
Giawhag usab niini ang mga kapitan nga sila mismo magpabakuna aron mamahimong ehemplo ngadto sa ilang ginsakpan homan usab masuta nga duna pay unom nga wala nabakunahan. Gitataw sa mayor nga normal lang bation ug kahadlok apan mas palabihon kung unsay ikaayo niini sa imong kaugalingon ug sa katawhan ug panghimuslan usab ang higayon ilabi na nga naka-avail kita sa libreng bakuna.