Giawhag ni City Health Office (CHO) Acting Head Dr. Ashley Lopez ang mga nagpositibo sa COVID-19 nga wala pa nabalhin sa pasilidad nga striktong mag-isolate sa kaugalingon samtang naghulat nga makuha aron ibutang sa ospital o isolation facility.
Kini tungod hangtud karon naglisud pa gihapon ang buhatan sa pag-apas sa pagkuha sa mga pasyente gumikan sa daghang natala nga bag-ong kaso kada adlaw sa syudad.
Gitino sa opisyal nga mamahimo kining himoon alang ngadto sa dunay kaugaingon nga kwarto o espasyo nga gamiton sa pag-isolate samtang nagpaabot sa instruction of transport.
Dugang sa opisyal nga prayoridad sa pagkuha mao ang mga emergency cases o kadtong severe o critical sa COVID-19 samtang ang mga mild lamang o asymptomatic himoon una kini.
Nangayo og pagsabot ang labaw sa CHO sa pagkadelatar sa transport system sa COVID-19 patients.
Nasayrang as of June 17, 2021 nisaka pa sa 4,250 ang aktibong kaso sa syudad human kini nadugangan og 295 kagahapon.BNFM-Davao