PAGPANABOTAHE sa ekonomiya sa Soccsksargen region ang epekto sa pagsulod sa ismagol nga mga items o produkto. Asa apektado ang ekonomiya dili lang sa rehiyon kung dili sa tibuok nasud sa padayong pagsulod sa mga illegal smugglers.
Kini ang pamahayag ni Brig. Gen. Jimili Macaraeg, regional director sa Police Regional Office (PRO-12) atol sa pagpakumpiska sa kapulisan sa P140,000 kantidad sa gituohang ismagol nga sigarilyo.
Matud ni Macaraeg, dili niya tugotan nga padayong mosulod sa rehiyon ang mga iligal nga kontrabando. Rason sa padayong paghugot niini sa kampanya dili lang batok kriminalidad kung dili sa tanang matang sa butang nga makapabutang sa delikado sa ekonomiya.
Kahibaloan nakumpiska sa checkpoint sa Glan, Sarangani Province ang 461 ream sa nagkadaiyang brand sa sigarilyo sa gipahunong nga sakyanan.
Samtang Kongreso, duha ka magbabalaud ang nagduso og sugyot sa paghimong non-bailable offense sa cigarette smuggling tungod sa pagpanabotahe sa ekonomiya. I Richel Gubalani