PADAYON nga makabenepisyo sa mga PhilHealth benefits sa asa mang Health Care facility ang mga pobre nga miyembro sa PhilHealth nga dunay validity ang membership gikan Enero 1, 2022 hangtud Desyembre 31, 2022.
Pasabot ni PhilHealth 12 Regional Vice President Hector Zenon Malate sa ilang advisory, otomatiko nga reneaw na ang membership sa PhilHealth sa mga nasangpit.
Apan butyag ni Malate ang mga indigent members usab sa mga listahan, 4Ps ug Modified Cash Transfer o MCCT nga walay validity ang kinahanglang mokuha sa Certificate of Indigency sa mga city o municipal links.
Ang certificate ang ipakita usab sa labing duol nga opisina sa PhilHealth aron ma-enroll ug makabeneisyo sa PhilHealth. Kung kinahanglan ang mga myembro nga buot mag-update sa ilang records sa PhilHealth ang obligadong mag fill out sa PhilHealth Member Registration form o PMRF.
Kinahanglan usab sa mga nasangpit ang modala og original copy sa birth certificate alang sa mga myembro ug dependents lakip marriage certificate usab alang sa kasal na nga PhilHealth members. I Richel Gubalani