Nag umpisa eon ro sari-sari nga mga aktibidadis para sa selebrasyon it National Women’s Month makarung Marso 2024 sa banwa it Kalibo.
Ginbuksan eon ku dominggo, Marso 3, 2024 ro Local Council of Women LCW Sunday Bazaar sa Gazeebo it Kalibo Pastrana Park, kung siin ro mga grupo it mga kababaihan kaeakip ro mga Small and Micro Entrepreneurs sa Aklan, pilang mga opisina it LGU Kalibo hay nagbaligya ag nagpakita it andang mga produkto ag serbisyo para sa mga Kababaihan ag Kalibonhon.
Nagtao man it andang mga mensahe sanday SB Member Christine Dela Cruz, Chairperson Committee on Women, Children, Family and LGBTQ+ Community, Dr. Cynthia Dela Cruz, Vice Mayor it Kalibo ag Ms. Rose Nepumuceno, Presidente it Local Council of Women.
Bilang pagpakita it importansya it mga kababaihan, nagtao man ro LGU Kalibo ag Local Council of Women it pasidungog ag pagkilaea kay Ms. Sofia Therese Leonida Pamati-An bilang Top 8 sa 2023 Geologist Computer- Based Licensure Examination it Professional Regulations Commission ku Nobyembre 2023. // ANN DESLENE SALAZAR