Nakakita it probable cause ro Office of the Ombudsman para kasuhan si Gov. Rhodora Cadiao sa graft complaint nga ginpasaka it hepe it Provincial General Services Office nga si Antonio Dela Vega.
Matandaan nga gin-akusahan ni Dela Vega si Cadiao sa pag-eapas sa Section 3 (e) it Republic Act (RA) 3019 o ro Anti-Graft and Corrupt Practices Act.
Ro reklamo ni Dela Vega hay nag-ugat sa anang reassignment ku 2016. Ginsaylo raya sa satellite office sa banawa it Culasi.
Ginkwestiyon ni Dela Vega ro validity it transfer order sa Civil Service Commission (CSC).
Ginmanduhan it CSC nga ibalik si Dela Vega sa Provincial General Services Officer ku Marso 2017 ag ginmanduhan ro gobyerno lokal nga gobyerno nga bayran imaw it representation ag travel allowance (RATA) ag iban pang benepisyong dapat bayran kat na-reassign raya sa satellite office sa Culasi.
Pero bigo si Dela Vega nga mabuoe ro nasambitan nga benepisyo.
Ginreklamo nana ro uwa pagpirma it gobernador sa anang daily time record (DTR) nga nagresulta man sa pagkabigo it Provincial Accountant ag Provincial Treasurer nga iproseso ro pagpaguwa it anang mga benepisyo.
Bangud sa natabo, naging grounds raya para kasuhan si Cadiao para sa pageapas sa Section 3(e) it RA 2019 .
Basse kay Atty. Eduardo Fortaleza, legal counsel, maadto sa Sandiganbayan ro kaso it gobernador./JIL B. LACSON