Nagkataon lang daw ang pagkikita ni dating Senador Manny Pacquiao at dating Negros Oriental Representative Arnolfo Teves, Jr. sa Timor Leste.
Ayon kay Department of Justice (DOJ) spokesperson Mico Clavano, kinumpirma ito ng kampo ng dating senador na “chance encounter” lang ang naganap sa bansa.
Ginawa ng DOJ ang pahayag matapos ang isang video na umikot sa social media, kung saan nakitang nakayakap si Teves kay Pacquiao pagdating sa airport.
Dagdag pa ni Clavano, matagal nang alam ng ahensya na nasa Timor Leste ang dating congressman at patuloy pa rin ang kanilag pagtugis dito sa pagpatay kay dating Negros Oriental Governor Roel Degamo.