Gibutyag sa beteranong player sa Philippine Basketball Association o PBA ug karun Cebu City Councilor Donaldo “Dondon” Hontiveros nga ang pag-host sa Palarong Pambansa sa dakbayan sa Sugbo makahatag ug positibong epekto sa industriya sa paugnat sa kusog ug ingon man makaayo usab sa turismo ug ekonomiya sa tibuok Sugbo.
Matud ni Hontiveros, nga ang Palarong Pambansa 2024 makatabang sa pagpalambo sa turismo tungod kay kasagaran sa mga atleta magdala gyud sa ilang mga pamilya.
Samtang gipahibawo usab ni Department of Education (DepEd) Cebu City Division Sports Officer Francis Ramirez nga muabot s a 15,000 ka mga atleta nga gikan sa 17 ka mga rehiyon sa nasud ang gilauman nga musalmot sa Palarong Pambansa.
Naggahin na usab ug P65 milyon ang Cebu City Government alang sa pag-ayo sa Cebu City Sports Center(CCSC).//