Inanunsiyo ni dating Los Angeles superstar Pau Gasol na tuluyan na itong magreretiro sa professional basketball.
Sa isang news conference sinabi ni Gasol na hindi madali para sa kanya ang naturang desisyon subalit ito umano ay mariin niyang pinag-isipan.
“It’s a difficult decision after so many years, but it’s a decision that I really thought over,” saad ni Gasol.
Naglaro ang Spanish center ng 18 seasons sa NBA at nakasungkit ng 2 NBA Championship sa Los Angeles Lakers kasama si NBA legend Kobe Bryant.
Nagtagal ang inilagi niya sa Lakers na umabot na 7 season, at humakot ng averaged na 17.7 points, 9.9 rebounds, 3.5 assists at 1.4 blocks.
Sa kanyang buong karera, isa siyang six-time All-Star at four-time All-NBA player.
Noong 2002 nasungkit niya ang NBA rookie of the year, at kauna-unahang non-American na nakakuha ng naturang award.