Dalawa pang Pinoy na atleta ang naging qualified sa Paris Olympics matapos kumpirmahin ni Philippine Olympic Committee (POC) president Abraham “Bambol” Tolentino.
Kabilang sa mga napasama sa Philippine team ang gymnast na si Levi Jung-Ruivivar at rower Joanie Delgaco.
Nag-qualify si Jung-Ruivivar noong Biyernes ng gabi sa FIG Artistic Gymnastics World Cup sa Doha kung saan humakot siya ng silver medal.
Linggo naman ng Umaga ay nagtapos si Delgaco sa pang-apat na pwesto sa 2,000 metro ng women’s single sculls sa World Rowing Asian at Oceania Olympic at Paralympic Qualification Regatta at Asian Rowing Cup sa Chungju, South Korea.
###