GIKUMPIRMA sa pipila ka lomolupyo sa daplin sa sapa sa Brgy. Labangal nga aduna gayod mga tawo nga nagalabay og basura panahon sa kagabhion.
Sumala kay Allan Damar nagamaniho og trisikad, tinuod ang impormasyon nga ginalabayan og basura ang ginatawag nila nga patay nga sapa, sa adlaw lang daw ang bantay gikan sa barangay apan sa gabei walay bantay mao nga dili masakpan.
Sumala usab sa nagpailang Meme ang mga basura nga makita ilawom sa tulay sa utlanan sa Barangay Labangal ug Calumpang ang uban nagikan usab sa taas nga bahin madala sa tubig baha kon may ulan, nakakita usab daw siya ug mga personahe gikan sa barangay nga nagakuha sa basura unya ginabahin ang madunot sa dili madunot.
Kahibaluan nga subay sa Ordiance Number 12-2008 kon Solid Ecological Waste Management Ordinance Section 49 ginabawal ang paglabay ug basura sa mga kalye ,dalan, kanal, plaza, establisemento, simbahan, sapa, ug sa dagat ang makasupak mahimong maka multa o mabilango. I Ver Diazon