Ginasulong makarun it Sangguniang Bayan sa Kalibo ro pagdeklara sa Pista ni San Juan Bautista bilang sangka major tourism event kada dag-on.
Gina-suhestyun makarun nanday SB Member Phillip Yerro Kimpo ag SB Member Ronald L. Marte, ro “full development of the feast day of Saint John the Baptist on June 24 into a full-fledged tourism and cultural event.”
Suno kay Konsehal Phillip Kimpo, dapat taw-an it igtaeupangud ro pista ni San Juan bangud pirme nga nagausoy ro mga turista ag tour operators it festivities.
Kung mas maabu segun nga turista, makaangkon it mas maabung trabaho ag pangabuhian para sa mga Kalibonhon ag Aklanon. // ANN DESLENE SALAZAR