Iminungkahi ni Presidential Adviser for Entrepreneurship Joey Concepcion na limitahan lamang hangang sa alert level 3 ang COVID-19 alert level system sa bansa.
Sa kasalukuyan umaabot hangang sa alert level 5 ang ginagamit na antas ng pamahalaan.
Maliban dito isinusulong din ni Concepcion na isinantabi ang alert level system at hayaan ang mga tao na mamuhay ng normal.
Naniniwala si Concepcion na dapat pag-usapan, suriin, at pagbutihin ng Inter-Agency Task Force on Emerging Infectious Diseases at pribadong sektor ang kanyang panukala.
Binigyang-diin din ng presidential adviser ang pangangailangang i-relax ang mga paghihigpit sa bansa ang makabawi ang ekonomiya mula sa epekto ng pandemic.