Hugot nang gipatuman ang striktong implementasyon human nga gipa ubos gahapong adlawa ang Probinsya sa Agusan del Sur sa Modified Enhanced Community Quarantine (MECQ) human gi-anunsyo ni Pangulo Rodrigo Duterte.
Sa gipagawas nga impormasyon ni Gobernador Santiago Cane Jr. kinahanglan ang mga katawhan dili mogawas sa ilang panimalay kun ugaling walay importanteng buhaton sama sa pagpalit ug pagkaon apan usa lamang ka myembro sa panimalay ang gitugutan nga mogawas, dili na usab tugutan nga mogawas ang nag edad 18-65 anyos pataas kung kini gikinahanglan gayod kung mapamatud-an nga walay lain makabuhat alang kaniya, Gidili na usab ang panag tapok nga mo abot sa 5 ka tawo, sa mga simbahan gikinahanglan usab sa 10% sa kapasidad sa lugar, Mga pribado ug publikong mga buhatan/establishments magpatuman sa skeletal workforce ug “work from home scheme” sa mga empleyado.
Samtang ang mga tricycle gitugotan ug 2 lamang ka pasahero, ang single motorcycle ug habal habal pwede ug 1 lamang ka backrider ug parehong naka sul-ob ug facemask ug full-faced helmet, Passenger buses ug vans strikto nga 50% lamang ang sitting capacity, Pagpatuman sa curfew hours nga 9pm – 4am. Gidili ang pag inom sa ilimnong makahubog,Gidili usab ang sabong-sabong sa bisan asa nga lugar sulod sa probinsya ug walay si bisan kinsa nga gitugutan nga mohatag ug exemption niini.