Iniimbestigahan na ng Quezon City Police District (QCPD) ang umano’y marahas na dispersal ng mga nag-ra-rally na estudyante sa Batasan Hills, Quezon City.
Pinulong na ni QCPD Chief Redrico Maranan ang Station Commander ng Batasan.
Inatasan ni Maranan na pagsabihan ang kanyang mga tauhan tungkol sa nararapat na aksyon tuwing may kilos-protesta.
Sa ulat ng College Editor’s Guild of the Philippines, anim ang nasugatan sa dispersal ng mga pulis.
Una nang kinondena ni QC Mayor Joy Belmonte ang pagpapaalis sa mga estudyanteng nagpapahayag ng kanilang saloobin.