SAMA niadtong Dominggo, ang region-12 subling nakatala og usa lang ka kaso sa COVID-19 as of January 23 segun sa DOH-12 update.
Tungod niini, mokabat sa kinatibuk-ang 77,868 nga kaso sa maong sakit, asa ang nakatala og usa ka bag-ong kaso mao ang Sarangani Province samtang zero new active case sa GenSan, South Cotabato, North Cotabato ug Sultan Kudarat.
Onse ang bag-ong nakarekober sa COVID-19 hinungdan mitaas pa sa 74,974 kun 96.28% ang total recoveries.
Sa bag-ong nakarekober, ang GenSan adunay 4 samtang parehong may tag tulo ka new recoveries ang North Cotabato ug Sarangani Province ug may usa ang South Cotabato.
NO new COVID-19 related death gihapon hinungdan nagpabilin sa 2,819 kun 3.62% ang total deaths.
Kasamtangan, anaa sa 34 kun 0.04% ang aktibong kaso sa maong sakit, asa ang North Cotabato adunay 23, GenSan-7, Sarangani Province-2 ug may tag usa ka active case ang South Cotabato ug Sultan Kudarat.