Naaresto sa ikinasang operasyon ng mga awtoridad ang lalaking nahaharap sa kasong rape sa Brgy. Poblacion 3, Tanauan City, Batangas.
Kinilala ng Tanauan City Police Station ang suspek na si Teotimo Ramirez y Manguiat alyas “Tiyotemo”, 33-anyos, may asawa, tubong Brgy Poblacion 5, Laurel, Batangas at kasalukuyang nakatira sa Brgy. East Bajac Bajac, Olangapo City, Zambales.
Naaresto ito sa bisa ng warrant of arrest sa inilunsad sa sanib-puwersang operasyon ng Tanauan City CPS at Batangas MARPSTA, SOU 3 nitong Hulyo 19, 2023.
Ayon sa Tanauan CPS, si Ramirez ay itinuturing na isa sa mga Regional most wanted.
Nangyari ang krimen noong Oktubre 1, 2014 kung saan ginahasa umano ng akusado ang biktima sa Brgy. Luyos, Tanauan City.
Nasa kustodiya na ng naturang himpilan ang naarestong suspek.