GIAWHAG sa lokal nga panggamhanan sa GenSan ang mga residente nga sayong mobisita sa ilang mitaliwan nga mahal sa kinabuhi sa mga pampublikong sementeryo.
Tungod abli na ang mga pampublikong sementeryo alang sa mga buot moduaw og sayo. Matud ni Mary Ann Calonzo Tan, labaw sa City Housing and Management Office (CHLMO) gihulat pa nila ang mandu.
Gikan sa City Mayor’s Office (CMO) ug Local Inter- Agency Task Force (IATF) kalabut sa mga guidelines nga sundon sa pagsaulog kalag-kalag aron malikayan ang posibleng pagkatap sa Covid-19.
Kahibaloan nga nakalabay’ng tuig, gisarado ang sementeryo partikular na ang Antonio Acharon Memorial Park sa Barangay Fatima gikan Oktubre 31 hangtud Nobyembre 02. Sa bahin sa kapulisan, gibutyag ni PLt. Clarizel Perez, tigpamaba sa GenSan City Police Office (GSCPO) nga naa pa lang sila sa pagplano karon sa mahimong latag sa seguridad sa mga menteryo sa siyudad.
Ang GenSan ang dunay siyam ka publikong ug pribadong sementeryo nga naa sa walo ka areas sa 26 ka barangay. Bag-o ang Covid-19 pandemic mokabat sa 40,000 katao matag tuig ang natala nga mobisita sa ilang minatay matag Kalag-kalag. (Richel Gubalani)