Ipapasa ni House Majority Leader at Leyte 1st District Representative Martin Romualdez ang impeachment complaint laban kay Supreme Court Associate Justice Mario Victor Leonen sa House Committee on Justice, sa loob ng tatlong araw na sesyon.
Ayon kay Romualdez, tatalakayin ng House Committee on Rules na kanyang pinamumunuan ang referral ng impeachment complaint laban kay Leonen.
Una na nitong sinabi na hindi pag-aaksayahan ng oras ng Kongreso ang mga “false issues.”
Matatandaan na noong March 25 nang itansmit ni Speaker Lord Allan Jay Velasco sa kanilang komite ang impeachment complaint na inihain ni Mr. Edwin M. Cordevilla at inenderso ni Ilocos Sur 2nd District Rep. Angelo Marcos Barba.
Inaasahan kasi ni Cordevilla, secretary-general ng Filipino League of Advocates For Good Government, ang Associate Justice nang paglabag sa 1987 Constitution nang bigo umano nitong i-dispose ang nasa 37 kaso sa loob ng 24 buwan. //MHEL PACIA