Malipayon si Mayor Ronnie Dadivas matapos nakakuha ini sang mataas nga rating kag nag-top 2 sa ranking sa Boses ng Bayan Top Western Visayas City Mayors Job Performance Rating Survey sang RP-Mission and Development Foundation, Inc.
Halin sa 80.1% nga rating sang Pebrero 25 tubtob Marso 8, 2023 nga survey, nagtaas ini sang 82.3% sandig sa pinakaulihi nga survey sang Hunyo 25 tubtob Hulyo 8, 2023.
Mahibaluan nga nagpanguna diri si Iloilo City Mayor Jerry Treñas nga may 86.7% nga rating.
Yara sa ikatatlo nga ranggo si Bacolod City Mayor Alfredo Abelardo “Albee” Benitez; ika-4 si Melecio “Beboy” Yap, Jr. sang Escalante City, Negros Occidental; kag ika-5 si Javier Miguel “Javi” Benitez sang Victorias City, Negros Occidental.
Kalakip man Top 12 sanday Mayor Maria Lizares sang Sipalay City, Negros
Occidental nga yara sa ika-6; Mayor Stephen Palmares sang Passi City, Iloilo province nga yara sa ika-7; ika-8 si Mayor Raymund Tongson sang Himamaylan City, Negros Occidental kag Mayor Benjie Miranda sang Kabankalan City, Negros Occidental; ika-9 si Mayor Rex Jalando-on sang La Carlota City, Negros Occidental kag Mayor Salvador Escalante, Jr, sang
Cadiz City, Negros Occidental; ika-10 si Mayor Nicolas Yulo sang Bago City, Negros Occ.; ika-11 si Mayor Rene Gustilo sang San Carlos City, Negros Occ. kag Mayor Narciso Javelosa, Jr., sang Sagay City, Negros Occ.; kag Mayor Joedith Gallego sang Silay City, Negros Occ. sa ika-12 nga ranggo.
“Salamat sa inyo pagsalig kag suporta. This one is for everyone. I am humbled and inspired to do more para sa tanan nga Roxasnon kag sa syudad naton. Padayon kita sa pagtrabaho para sa kaayuhan sang Roxas City”-pahayag ni Mayor Dadivas. | Judy Ann Juare