Sangka caliber .38 revolver, gin-turnover sa Nabas MPS

Bangud sa ginpabaskug nga kampanya it Nabas MPS sa “Tokhang Kontra Armas Luthang (TKAL) nga may kaangtanan sa programang “Armas Baylo Bugas”, sangka certain Reynaldo Sumagaysay y Tenorio, 31 anyos nga residente it Brgy. Pawa, Nabas, Aklan ro boluntaryo nga ginsurender ro sangka unit it caliber .38 revolver nga owa it serial number.

Ro nasambit nga armas hay sa kustodiya eon makarun it Nabas MPS para sa nagakaigu nga disposisyon.

Ro TKAL Operation kontra sa mga loose firearms hay sambilog sa mga pinaka epektibong paagi agud mapunggan ro organized crime groups, private armed groups (PAGs) ag wanted persons nga kaeabanan nga nagagamit it mga baril bilang andang naga pangunang kagamitan sa pagpatigayun it andang mga himuon nga kriminal. / ANN DESLENE SALAZAR

Leave a Reply

Your email address will not be published.