Insigida nga gin-inquest para sa kasong pag eabag sa Usurpation of Authority ag Comelec Gun Ban ro sangka eaeaki nga eakot sa aksidente kaina it agahun sa may national highway it Makato ag diversion road paagto it Lezo.
Sa report, sumunggab sa sangka kotse ro motorista nga ginkilaeang si Ricky Barrientos nga nagpakilaea nga sangka Corporal it 2nd Division 59IB Phil. Army.
Samtang ro driver man it kotse nga anang nabangga hay si Police Major Ricky Waniwan nga assigned sa AVESEC Group Roxas City, Capiz.
Kat daehon ro mga raya sa police station hay owa it naipakitang driver’s license si Barrientos ag ginpamalibaran it Philippine Army nga imaw hay lehitimong miyembro.
Narekober man sa posisyon ni Barrientos ro sangka jungle knife. / ANN DESLENE SALAZAR