BICOL—Inabisuhan ng Securities and Exchange Commission (SEC) Bicol ang mga Bicolano na iwasang magpaloko sa mga investment companies na walang kaukulang permiso ang operasyon mula sa kanila.
Ayon sa ahensya, dapat maging alerto ang publiko at mag-‘imbestiga muna bago maglagak ng puhunan sa anumang kumpanya o entidad lalo ngayong pandemya kung saan nagsulputan ang mga scammers.
Ilan sa mga kumpanyang wala umanong permiso sa SEC ay ang Petromobil Corporation, Lendvest International o “Lendvest”, 247Stocktradefx, EM-Power8 Beauty and Wellness Trading, Genius Trading Corporation/ Genius Trading/ GC8, Rising Opportunity International (ROI) Business/ R O I Business Development Services, Ching Empiretans/ Ching Empire, E-ambag and Geever, Cloud Network/ Cloud Network Marketing/ www.cloudnetworkmarketing.com, Earn cash quarantine lending consultancy services (earn cash), 3×1 Marketing services/ Leovic 3×1 Wellness and Beauty Center, Asiaworks Digital Marketing Services (Asiaworks), at ang Elite Alliance Vera Trade System Opc/ Elitealliancevera computer trading/ Elite Alliance Vera Trade Ltd/ Elite alliance vera trade international/ EAV trade.
Kung mayroon man umanong mga impormasyon hinggil sa mga ganitong iskema ay makipag-ugnayan sa Enforcement and Investor Protection Department sa pamamagitan ng email address na [email protected].
Maaari ring bisitahin ang www.sec.gov.ph para sa mga karagdagang advisories ng ahensya.
Magugunita na nasa halos 140 residente sa islang lalawigan ng Catanduanes ang nabiktima kamakailan ng investment scheme na tinatawag na “Complan” kung saan nasa mahigit P10.8 million ang natangay.### || slm
