Bumuo na ng special task force ang Department of Justice para imbestigahan ang 20 mga pagpatay sa Negros Oriental kabilang ang kaso ni Gov. Roel Degamo.
Ang binuong task force ay matapos hilingin ni Sen. Francis Tolentino sa pagdinig sa Senado kaugnay ng Degamo slay case.
Sinabi ni Justice Undersecretary Jesse Hermogenes Andres, na para sa convenience ng mga testigo at mga complainants , ang mga gagawing pagdinig ng task force ay maaaring isagawa sa Cebu o sa Maynila, depende sa kahilingan ng mga testigo.
Tutulungan rin aniya ng Witness Protection Program ng DOJ ang mga testigo na humarap sa Senate panel.//CA