Gin taasan eon it Local Government Unit (LGU) ru subsidy it mga tribu ag grupo nga maga pasakop sa Kalibo Ati-atihan Festival sa Enero 2023.
Raya ru kompermasyon ni Mr. Ryan Zabal it Kalibo Ati-atihan Board sa TIRA BRIGADA Program ni SM Joemer Soriano.
Aprobado eon sigun ni Kalibo Mayor Juris Sucro ru tribal subsidy nga kun siin gin taasan pa it daywang doble.
Sa tribal big category ku 2019 hay makabaton it P60,000 samakaron nga 2023 hay maka baton it Php 120,000.
Sa Tribal Small category ku 2019 hay naka baton it PHP 45,000 sa makaron, makabaton it Php 90,000; ru dating Php 36,000 sa modern tribal category, sa makaron hay Php 70,000.
Sa Balik Ati category nga naga-abot sa Php 37, 000 sa makaron hay Php 70,000 nga subsidy.
Ru deadline it submission sa kada category hay sa paeaabuton nga November 24, 2022.//MARIVIC Y. ILIN