SORSOGON CITY – Arestado ang tatlong indibidwal dahil sa larong e-sabong sa lungsod ng Masbate.
Kinilala ang mga ito na sina Jude Dela Rosa, 26-anyos at naninirahan sa Purok 6, Brgy Nursery; Jomar Rondina Butal, 39-anyos, residente ng Purok 6, Brgy Ibingay at Jonel Amatos Cabiles, 34-anyos ng Purok 7, Brgy Ibingay lahat mga binata.
Batay sa ulat, nasakote ang mga ito matapos ang ikinasang anti-illegal gambling operations ng mga awtoridad sa Medina St. Brgy Kalipay ng nasabing lungsod.
Naaktuhan umano ang mga ito na nanunuod at tumataya sa online sabong o mas kilala sa tawag na ‘Talpakan.’
Nakumpiska dito ang isang yunit ng REDMI android phone at perang taya.
Nabatid na walang kaukulang lisensya ang nasabing lugar na pinagdausan ng online sabong.
