WALA pa nahuman ang 19th Council sa Sanguniang Panlungsod sa Gensan apan dunay plano na ang pila ka mga miyembro sa mosunod nga Konseho ilabi na ang may kalabotan sa teleconferencing nga usa sa ginahimo karon sa mga naglangkob nga konsehal.
Gipamahayag ni Councilor Jose Edmar Yumang nga adunay pila ka mga miyembro sa konseho nga sama sa naabuso na ang maong paagi sa pagtambong sa session maong iduso sa mosunod nga Sangunian ang pagbawal sa teleconferencing gawas lang kon adunay national nga pandemic nga ideklara sa national government ug pagaabrubahan sa SP.
Hinuon giangkon niini nga wala na siya masayod sa mosunod nga Sangunian.
Saysay pa niini nga giduso ug giaprobahan kaniadto nga in good faith ang teleconferencing nga alang lang unta sa Gensan ugaling kay ang uban nigawas na sa dakbayan ug bisan sa gawas sa nasud. I Danny Casi