Arestado sang mga otoridad ang isa ka lalaki nga ginakabig top 2 most wanted person sa syudad sang Roxas takna alas 11:50 kahapon sang Miyerkules sa Brgy. Barra sining syudad.
Ginkilala ang naaresto kay Ace Azarce, 37-anyos residente sang Sitio Bliss, Brgy. Cagay, Roxas City.
Nagapangatubang sang kaso nga paglapas sa RA 9165 ukon Comprehensive Dangerous Drugs Act of 2022 (Article II, Sec. 5 & 11) si Azarce.
Ang warrant of arrest ang ginpapanaog kag ginpirmahan ni Hon. Faustino Valenzuela Roxas, Acting Presiding Judge of Regional Trial Court, 6th Judicial Region, Branch 18, Roxas City napetsahan Abril 11, 2023.
Samtang, ginrekomendar sang korte ang P200,000 nga piyansa para sa temporary nga kahilwayan sang suspetsado. Sa karon, nagapabilin ini sa kustodiya sang Roxas City PNP para sa nagakaigo nga disposisyon. | Judy ann Juare