Arestado ro sangka tricycle driver sa ginkasa nga buy bust operation it PDEU-Aklan, PDEA ag Kalibo MPS sa may Lambingan beach Brgy. Pook Kalibo, Aklan kainang alas 3 it hapon.
Ginkilaea ro subject person nga si Remegio Eusebio Jr., 39 anyos ag residente it Brgy. Ibao, Lezo, Aklan.
Sa interview it Brigada News FM Kalibo kay Police Lieutenant Colonel Frenzy Andrade, Team leader it PDEU-Aklan, nabuoe sa supect ro sangka sachet it suspected shabu matapos mabakean it poseur buyer ag buy bust money nga 3,000 pesos.
Ginpahayag pa ni Col. Andrade nga may tatlong dominggo eon nanda nga gina-surveillance ro nasambit nga suspek.
Samtang, ginklaro ni Andrade nga bisan ideklarang drug-cleared ro sangka lugar hay indi dapat magpundo sa pagmonitor ro mga otoridad para madakpan gihapon ro mga durugista. / ANN DESLENE SALAZAR