Maga pangatubang it kaso ru pulis nga naka baril sa may deperensya sa kisipan sa Brgy. Mambog, Banga, Aklan.
Base sa kompermasyon it Banga Municipal Police Station, uwa’t kasong criminal nga iga pasaka kontra sa pulis nga si PSSgt. Ronald de Tomas apang maga pangatubang gihapon it kasong administratibo.
Raya ru naguwa nga pagkaeasugot sa tunga it pamilya ku biktima nga si Gerald Zonio matapos maghimo it maid-id nga imbistigasyon ru Provincial Internal Affairs Service (PIAS).
Kun matandaan, aksidenting nabaril ru biktima matapos maugot sa pulis kat mag-adto pakaayad it kariton it tricycle ru pulis sa vulcanizing shop.
Samtang, padayon pa sa makaron nga naka confine ru biktima sa hospital. //MARIVIC Y. ILIN