Taklaron para kay General Alliance of Workers Association Secretary General Wennie Sancho nga maaprubahan sang Regional Tripartite Wages and Producvity Board ( RTWPB ) ang ginaduso sang sector sa pangabudlay nga saka sa sweldo sa liwat nga pagsinapol sang board sa palaabuton nga Agosto 26.
Suno kay Sancho, ang ginalantaw nila nga problema kun sa paano mapanumbalik ang ‘purchasing power’ sang mga workers nga nadula tuga sa karon nga kahimtangan kun sa diin indi ini mapanumbalik kun wala sang may pagapatigayunon nga wage adjustment.
Para sa GAWA Secretary General, indi man nila mapilit duso ang ila ginapangayo nga saka sa sweldo tuga sa karon nga sitwasyon nga ang tanan ang apektado sang Covid -19 nga kun pagalantawon ang ginatalupangod sang mga employers kun sa paano ma-preserbar kag indi madulaan sang trabaho ang ila sini mga empleado ukon trabahante sang sa magpatuman sang saka sa sweldo.