NAGREKLAMO ang mga trabahante sa usa ka construction sa Barangay Katangawan human nga wala masweldohe og tulo ka semana nga trabaho samtang wala na makita ang ilang contractor.
Sumala sa usa ka welder nga si Jojo Saldivia gibiyaan sila sa ilang contractor ug wala mahatag ang ilang sweldo sulod sa tulo ka semana samtang wala pa nahuman ang ilang trabaho sa usa ka warehouse sa seeds company sa Katangawan.
Nisaad ang ilang timekeeper nga saluon sa orihinal nga contractor nga si Arman Paraiso gikan sa Bukidnon sa A and E Machineries ang pagsweldo kanila kay nipahawa na ang ilang sub contractor nga naila nila sa pangalang Henry Roma nga taga Davao City.
Gisaaran usab sila nga tingbon nalang niadtong milabay nga Sabado ang ilang sweldo apan wala gihapon.
Tungod niini nakahukom ang 12 ka mga trabahante nga magreklamo sa Brigada News FM Gensan, ang nagareklamo mga labor ug welder nga taga Gensan ug Malungon, Sarangani Province.
Samtang sa bahin sa contractor nga naka daug sa bidding sa trabaho sa warehouse sa Evogeen nga si Arman Paraiso sumala niini nga dili ilawom sa iyaha ang nagareklamo nga trabahante kay iyang gipa- sub contract ang trabaho ngadto kay Henry Roma nga taga Davao City.
Nakaabot na daw kaniya ang impormasyon kay nagapanawag ang mga trabahante apil ang tag-iya sa tindahan nga gina-utangan sa mga trabahante.
Gidugang ni Paraiso nga wala daw nagsaba ang sub contractor nga si Henry nga biyaan ang trabaho nga wala pa nahuman, natawagan na daw niya si Henry ug nisaad nga ilang asikasuhon ang problema.
Mokabat daw sa P250,000 pesos ang pakyaw ug mokabat na sa P238,000
pesos ang nakuha sa sub contractor.
Apan sa mao nga tubag dili makatuo si Saldivia nga wala nasayod si Paraiso sa pag-abandona sa trabaho kay kuyog nga nipahawa sa Katangawan si Paraiso ug Roma. Aduna usab trabahante nga gipa cash sdvance apan usa lang ka trabahante mao nga motuo lang sila sa pasalig kon mahatag na ang ilang sweldo sa madali nga panahon aron adunay kaunon ang ilang pamilya.