KORONADAL CITY- KINILALA at pinarangalan ng provincial government ng South Cotabato ang 14 na mga jail personnel ng South Cotabato Rehabilitation and Detention Center o SCRDC.
Ito ay sa ilalim ng Program on Awards and Incentives for Service Excellence o PRAISE ng Provincial Human Resource Management Office o PHRMO.
Ang naturang mga jail personnel ay nakatanggap ng certificate of recognition dahil sa pagkakumpiska sa 5 grams ng ilegal na droga noong August 6, 2022.
Napag-alaman na nadiskubre ng mga jail guards ang illegal drugs sa isinagawang routine inspection sa mga ipinapadalang pagkain at mga basic needs ng mga bisita at pamilya ng mga inmates.
