Gikomperma sa Department of Agriculture (DA) Caraga nga moabot na sa 14 ka mga lungsod sa rehiyon ang wala na nakatala og rabies.
Butyag ni Dr. Esther Cardeño, ang Regional Rabies Coordinator sa DA-Caraga, nahitabo kini tungod sa taas nga porsyento sa mga residente sa naasoy’ng mga lungsod ang nagpabakuna sa gipangbuhi nga iro.
Pasabot sa opisyal, importante ang partisipasyon sa katawhan labi na sa pagpabakuna sa binuhing iro aron wala nay madisgrasyang kinabuhi tungod lang sa rabies.