NAGPABILIN nga nagbantay sa San Isidro Police Station ang duha ka Pulis nga gikan sa City Mobile Force company (CMFC-GSCPO) bisan paman nga nabawasan na ang ihap sa mga piniriso sa nahisgotang presento human nakapyansa.
Naabtan sa Brigada News team Abril 10 sa gabei ang duha ka Pulis nga naa gawas sa selda dool sa desk officer table nagbantay sa mga binilanggo nga may nagka-lain laing kaso nga giatubang.
Sa karon naa sa sobra pulo ka piniriso ang nagpabilin sulod sa selda nga hugot gibantayan sa kapulisan aron dili sila mahatagan og higayon nga makasibat, ug gibantayan sa mga Pulis ang mga gamit ug pagkaon nga ginahatod sa mga kabanay aron malikayan ang pagpalusot og mga iligal kontrabando sulod sa selda.
Una nang gibutyag sa hepe nga si PMajor Carl Jayson Baynosa niadtong Marso nagsugod og duty sa ilang presinto ang duha ka sakop sa CMFC kutob nga dili pa mopakanaog og mando ang ilang labaw nga sila ang mobalik sa ilang unit. I Enamie Mogpon