Buyot eon sa makaron ru 2 mga suspek sa pagpatay it sangka LGBTQ+ nga nakit-ang patay sa sangka paeahuwayan sa Sitio Tugbungan Brgy. Pook, Kalibo, Aklan.
Suno sa PLT Abdon De Mateo, Deputy chief of Police for Administration it Kalibo MPS, maid-id ru gina himo nga imbistigasyon it mga kapulisan sa mga suspek.
Na intercept ru 2 ka mga suspek nga sangka 17 anyos nga taga-Kalibo ag 21 anyos nga taga-Malinao, Aklan.
Nag-usoy it pamaagi ru mga kapulisan para maka angkon it maid-id nga imbistigasyon ag ikara nakita sa conversation it mga suspek ag biktima sa nasamad nga cellphone.
Gin pakaayad ni PSMSGT. Vedasto Nabor IV, imbistigador it Kalibo MPS ru cellphone ag ikara na komperma nga may conversation ru biktima ag mga suspek bago ru krimen.
Nakasasad sa convo nga nag trato ru biktima ag mga suspek nga maga pa massage ag maderitso sa Sitio Tugbungan sa sangka paeahuwayan nga kunsiin nakita ru patay nga eawas it biktima.
Naghimo it montitoring ru katapo it Kalibo MPS hasta nga nadakpan ru sambilog sa mga suspek ag klu ulihi hay hadakpan man ru 1 pa ag ikara gin turo ru motorsiklo nga andang gin abandona sa Salazar Compound sa banwa’t Kalibo.
Sa makaron, gina proseso pa ru kaso nga gina pasaka it pamilya kontra sa mga suspek.//MARIVIC Y. ILIN