Huli ang isang lalaking wanted sa kasong Rape matapos ang ikinasang operasyon ng Polillo Municipal Police Station (MPS) sa Binangonan, Rizal nitong Martes, Abril 16.
Sa bisa ng warrant, nadakip ang 22-anyos na suspek na may nakabinbing kaso ng Rape at walang inirerekomendang piyansa.
Sa ngayon, nasa kustodiya ng awtoridad ang suspek para sa kaukulang dokumentasyon at disposisyon.