Nakasikop ang Land Transportation Office (LTO-7) ug 24 ka mga public utility vehicles ug bus nga wala makapasar sa ilang programang “Oplan Biyaheng Ayos: Semana Santa and Summer Vacation atol sa ilang operasyon nga nagsugod pa niadtong Biyernes.
Matud sa Regional Director sa LTO-7 Victor Caindec, kadaghanan sa mga nahagbong atol sa inspeksyon mao ang mga bus nga adunay biyahe sa north ug south sa probinsiya sa Sugbo.
Sagad sa mga violations niini mao ang hilis nga mga ligid, guba nga signal lights, di mogana nga wiper, buak ang windshield ug guba ang seatbelt.
Gidugang ni Caindec nga ubos sa iyang pagdumala, ang mga PUV ug PUB nga walay balido nga certificate of public convenience ug driver’s license dili tugotan nga makabiyahe.//