Anaa na sa 33% kon 1.8 million ka mga indibidwal gikan sa kinatibuk-ang 5.6 million nga populasyon sa Central Visayas ang fully vaccinated na batok sa Covid-19.
Kini ang kalamboan nga gianunsyo sa Department of Health Central Visayas (DOH-7).
Matud ni Dr. Mary Jean Loreche, chief pathologist sa DOH-7, nga miabot na sa 1,873,922 ka mga indibidwal ang nakakumpleto na sa duha ka dose sa Covid-19 vaccine gikan sa lalawigan sa Sugbo, Bohol, Negros Oriental ug Siquijor
Samtang naa na sab sa 2,240,822 ang nabakunahan na sa first dose.
Nasayran nga niadtong Oktubre 12 pa lang gideklarar na sa buhatan nga fully vaccinated na sa Covid-19 ang siento porsyento sa mga healthcare workers.
Subay niinii, gisugdan na sab ang paghatag og booster shot ngadto sa mga frontliners kagahapon Nobyembre 17 ug gikatakdang isunod na sab ang ubang mga priority groups.