NAG-UNA sa listahan sa Traffic Enforcement Unit (TEU) ang overspeeding o kusog nga pagpadagan og sakyanan atol sa pagmaneho hinungdan nga nakatala og 381 vehicular accidents ang kapulisan sa managlahing lugar sa GenSan.
Segun ni PLt. Col. Richard Ybañez Chief Commander sa TEU taas ang ihap sa bangga sa first quarter karong tuiga 2023 tandi sa nakalabay nga tuig ug dili muubos sa lima ka tawo ang namatay tungod sa maong insidente kung asa ang uban dunay impluwensya sa ilimnong makahubog ang pipila ka drayber atol sa pagbiyahe. ‘’sa pagka-karon medyo nitaas-taas gyud ta karon syempre kusog na kaayong mga tawo maglihok-lihok unlike before nga pandemic nedyo Kontrolado pa ang paggawas saatong mga sakyanan diri sa syudad’’ segun ni Ybañez.
Tungod niini walay hunong nga nagpahimangno ang kapulisan sa tanang motorista nga maghinay-hinay sa pagpadagan ug kanunay ibatasan ang pagsoot og protective gears sama sa helmet sa pagmaneho aron maproteksyonan ang lawas. I Enamie Mogpon