Ginlunsyar sang 3rd Infantry Division sang Philippine Army ang programa nga raising one million fruit bearing trees kaupod ang Department of Agriculture (DA), Department of Environment and Natural Resources (DENR) kag local government unit sa banwa sang Jamindan.
Kapin 1,000 nga fruit bearing seedlings ang gintanom sa 3ID headquarters sa nasambit nga banwa.
Sa kabug-osan naglab-ot sa 8,400 ka mga seedlings ang natigayon nga matanom sa nagkalain-lain nga planting areas nga sakop sang 3ID.
Tinutuyo sang amo nga programa ang supisiente nga suplay sang pagkaon kag para maproteksyunan ang dunang manggad pinaagi sa paghaganhagan sang climate change.//KMD Gicalde